Dokumenti/ Zbulohet raporti rrënqethës nga kampi i internimit në Tepelenë: Njerëzit i mbajnë të zhveshur veç se janë nga veriu

Dokumenti/ Zbulohet raporti rrënqethës nga kampi i internimit në Tepelenë: Njerëzit i mbajnë të zhveshur veç se janë nga veriu

Ish-drejtori i Arkivit në Ministrinë e Brendshme Kastriot Dervishi, ka publikuar një fragment shokues nga raporti i datës 30 korrik 1951 që i referohet kampit numër 4 në Tepelenë.

Në raportin e datës 30 korrik 1951 për gjendjen në kampet e internimit, të punës dhe në burgje, të kryetarit të Degës së Kampeve e Burgjeve në Drejtorinë e Policisë Popullore, në Ministrinë e Punëve të Brendshme, Sabri Sevrani, bëhet një përshkrim i përgjithshëm i gjendjes.

Në atë kohë, në Shqipëri ishin vetëm dy kampe pune të detyruar, nr.1 në Podgorie dhe nr.2 në Peqin, disa kampe internimi dhe disa burgje.

Për gjendjen e vështirë,në kampin nr.4 të Tepelenës, shkruan Kastriot Dervishi, mjafton të lexohet pjesa e mëposhtme:

Kampeve të internimit, të punës dhe një pjesë e të burgosurve që kanë shumë vjet në burgje, në lidhje me veshmbathjen, nuk u është dhënë asgjë deri më sot në bazë të ligjit nr.1188, datë 5.12.1950, ajo që u takon.

Në kampin e internimit të Tepelenës kemi një sasi njerëzish që janë pothuaj krejt të zhveshur pse janë nga veriu dhe se kanë një pjesë të gjatë që rrinë në kampe (u duken mishrat). Qëndrimi i tyre i zhveshur nuk bën qëndrim të mirë politik”.

 

Denonco
Loading...